المساعد الشخصي الرقمي

مشاهدة النسخة كاملة : حكاية الف ليله وليله من تألييف الفنان مطنش

M6anesH
10-24-2007, 04:49 PM
السلام عليكم ورحمة الله وبركاته

كف حالكم يا عيال القمع كلكم

ان شاء الله بخير

طيب اسمعو القصه كامله عشان تحكمون بنفسكم

اذا انه انا غلطان ولا لا

امس الساعه 11 الليل رحت البقاله اشتري تميز وفول من جنب محل الحلاق

ويوم صرت قريب من المحل لقيت لوحه كبيره مكتوب عليها المحل للتقبيل

حطيت يدي في جيبي وطلعت ثلاثه ريال ..,,وجلست اقول في نفسي

ريال ,, بشتري فيه المحل

والريال الثاني بشتري البضايع وكل شي

والريال الثالث بحطه راتب للعمال ..

المهم شوي تذكرت الفول والتميز

ورحت اجري بسرعه , عشان الحق الافغاني قبل ما يقفل

طلبت منه بريال فول وريالين تميز

ولمن جيت بروح .. زهم علي وقال الحساب ..

جيت حطيت يدي في جيبي عشان اطلع الفلوس

وماحصلت شي ...,, بعدين سالته انت متاكد انك ما اخذتها .. قال لا

قلت انا الا اخذتها وتهاوشنا شوي وبعدن جاء واحد وقال وش فيكم

قلنا له الحكايه وقال خلاص انا بعطيك الثلاثه ريال

ورحت البيت ....

وانا في الطريق جلست افكر اذا ان راعي الفول ماعطيته الفلوس ,,, اجل وين راحت

بعدين مريت من جنب الدكان الي كان للتقبيل وحصلت اسمي مكتوب على المحل

انا استغربت ...
.
.
.
.
.
.
.
.
.
.
.
.
.
.
.
..





بكره نكمل لكم الحكايه


ببايوو
القمع
10-25-2007, 10:49 AM
هههههههههههههههههههههههههههههه

أجل شكلنل مطولين

بصراحه اشكرك على طرحك الرائع

وبصراحه مررررررررررررره شوقتني لبكره متى يجي

تقبل تحياتي

على فكره التميز سمن والا عادي والا بسكوت

وثاني مره اعزمنا
شعبي
10-25-2007, 01:25 PM
مطنش



تصدق اني شفت المحل مكتوب عليه اسمك



بصوره واجيب لك الصوره





هههههههههههههههههههه





تسلم ياحلو



ومن الحين !



الزباين اللي تعرفهم اعطهم بنص القيمه


واللي ......... ببلاش 36_1_21:




تحياتي لك يالغالي
M6anesH
10-25-2007, 03:00 PM
القمع شكل التميس كان بر هع

شعبي

كيف حالك
رحال
10-25-2007, 03:10 PM
يعطيك العافيه مطنش تصلح تألف قصص
من سيربح المزيون&
10-28-2007, 03:38 PM
هههههههههههههه
M6anesH
11-22-2007, 05:01 AM
باااااااااااااك

ماراح اطول عليكم ... مالكم بالطويله

وصلنا عند اللوحه الي معلق فيها اسمي

بالخط العريض

مـــــطـــــنـــش للـــخـــــردوات

ضحكت وبكيت وكل حالات الشعور الجميل جاتني في لحظه

بس اكثر شي كان فيني هو شعور الدهشه

الحلم صار حقيقه .. جلست اسبوع كامل أمر جنب المحل مستني احد يفتحه ولا يطالع فيه

وانا في نفسي اقول يارب يطلع صدق انه لي

وفعلا صار الي ما كنت متوقعه يصير .. اتصلو علي البلديه

البلديه : الو
مطنش : هلا
البلديه : السلام عليكم
مطنش : وعليكم السلام
البلديه : معاك البلديه
مطنش : والمطلوب
البلديه : عليك مخالفات
مطنش : وين وكيف ؟
البلديه : في شارع التحليه .. دكانك صار له اسبوع مقفل
مطنش : اي دكان ..!!!!
البلديه : تنكت ولا تستهبل ..؟؟
مطنش : لا من جد وش تخرفنون انتم تقولون
البلديه : راجعنا في المركز ولا نبي نقفله عليك مثل الي قبلك
مطنش : طيب ولي قبلي وش سوا

البلديه<< سكت ومايدري وش يقول .. لأن هالدكان وراها مصيبه كبيره

استغرب مطنش وصار يقول الو الو لعل وعسى يردو عليه

المهم

مالكم بالطويله

اخذت بعضي ورحت المحل .. طالعت فيه بنص عين

وشلون ينفتح بابه هذا ؟؟ جربت كل المفاتيح الي في يدي وعيا يفتح

جاء في بالي على بابا والاربعين حرامي ... قلتها وانا اضحك

افتح يا سمسم ... ما صدقت

ماتوقعت انه راح يفتح

من لحاله انفتح الباب ... كنت خايف وباين علي اني ارتبك

رجولي تتنافض وضروسي تتقابع من الخوف

سمعت صوت داخل المحل ... صوت سمعته كثير قبل كذا

ساعات يعلى الصوت ويصير واضح

وساعات واطي جدا ويادوب اسمعه

قربت شوي حاولت اشوف وش داخل المحل

رجع الصوت يرتفع ....

على عشره ريال .. على عشره ريال.. على عشره ريال

رجعت البين وانا مفجوع .. بغيت اشكي وابكي لكن محد يمي

قفلت على نفسي باب الغرفه .. انسدحت ..فوق السرير

حسيت اني في حلم ... لا فعلا انا في حلم

دخل علي اخوي الصغير الغرفه

مطنش قوم اصحى الساعه سبعه الصبح

قمت من نومي ... ناظرت حولي ...

كل شي متغير

زهمت على اخوي الصغير .. مارد علي

فتحت باب الغرفه ..
.
.
.
.
..
.
.
.
.
.
تفاجأت

وش تتوقعون شفت

ماراح تصدقون

.
..
.
.
.
.
.
.
.
..

في الحلقه القادمه
aLGhAmDi
11-22-2007, 05:23 AM
هههههههههههههههه انت شغلتك شغله
شكل المواصله الدائمهـ آثرت على مخك
ولكن في إنتظارك يامبدعنا فعلا ً شوقتنا كثيرا ً

وتراني بشري المحل منك بعد ماتخلص ^_*
البحـــــار
11-22-2007, 05:47 AM
أتوقع انك محصل عمال المحل ..

وتبدأ المعاناه والمطالبه في الرواتب ..

مطنش: هلا من انت ومن جابك وكيف دخلت ..؟؟؟

عامل المحل :باب علي فين راتب مال حقي انا ..

مطنش : أي راتب تستهبل ..

العمل : لا باب بلديه قفل محل عشان مافيه صرف ..!!!

( في هذه اللحضات مطنش يعيد ويتذكر ما حل به في منام البارحه ويتسائل عن مصداقية الخبر .... ويكمل المحادثه )

مطنش : طيب زين زين انت رح انا في يجي بس أنا أول روح بلديه ..

العامل : طيب بابا لكن انت ما فيه تأخير ..

مطنش : زين زين

( بعد المحادثه خروج مطنش متجها الى البلديه لا يعرف ما القرارات الصادره في حقه ولا سبل المعالجه ....يصل خوينا ويدخل متلعثما ويتفاجأ بإستقبال حافل من قبل البلديه ويتفاجأ بهم وفي نفس الوقت يتسائل انت مطنش .. انت مطنش )

يتجواب مهم بنعم ..و يتلقى خطاب القرار المتخذ في حقه ..

في لحظة دهشه وتعجب يقف مطنش ماغط الكلمه المشهوره ..

لا طرحنــــــــــــــــا ..

( هذا ما اتوقع ولا أعلم ما النتائج المقبله كما أنني انتظر التكمله )

تحياتي ..
M6anesH
11-22-2007, 05:56 AM
الغامدي
شكرا لك وعلى مرورك الرائع

المواصله الدائمه << هذي شعاري في الحياه
M6anesH
11-22-2007, 06:01 AM
البحار

العمل : لا باب بلديه قفل محل عشان مافيه صرف ..!!!

لا عاد تسافر الهند .. ترا خربو عليك الاملاء والتعبير والحركتات

بعدين يا البحار من قلك تجي تخرب الفيلم ..كل هذي نكاده

حاسدني انت

لا طرحنــــــــــــــــا
كثر منها فديت قلبك

لا طرحت ان شاء الله لا في حرب ولا في سلم

وشكرا على مرورك المنور والمشرق
مثل الشمس في الصباح الباكر
مع غطرفة العصافير
ههههههههههههههههههههههه
الــــــــســــــــاهـــر
11-22-2007, 06:11 AM
مطنش بانتظار التكملة.